Эксперт – «Селтик»–«Қайрат» матчы туралы: шотландиялықтарда форвард пен артқы жартылай қорғаушы жоқ

«Қайрат» тарих жасаудың аз-ақ алдында тұр. Бұған дейін Қазақстанға бірнеше рет келген «Селтикті» жеңген жағдайда, Рафаэль Уразбахтин шәкірттері Чемпиондар лигасында өнер көрсетеді. Бірақ біз қарсыласымызды қаншалықты білеміз және деңгейін дұрыс бағамдап отыомыз ба? Бұл турады BorodAbata.kz (AS News) тілшісі The Celtic Way спикері Джон МакГинлиден сұрап көрді.

X (Twitter) желісінде 35 мың оқырманы бар сарапшы бұл сұхбатында мына мәселелерді қамтып өтті:

• «Арсеналдың» бұрынғы қорғаушысы және «Лестерді» 2015/2016 жылғы маусымда чемпион қылған қақпашы;
• шотландиялықтардың шабуыл шебіндегі кемшілігі;
• алматылық команданың сырт алаңдағы мүмкіндіктері.

– «Селтик» сапындағы ең қауіпті ойыншы деп кімді атар едіңіз?

– Байқасаңыз, команда осы уақытқа дейін тек үш ресми матч өткізді, бірақ осы ойындарда екі қорғаушы – Тирни мен Джонстон өздерін жақсы қырынан көрсетті. Екеуі де шабуылға жақсы араласады.

Жақында «Арсеналдан» оралған Киран үнемі сол қапталдан қауіп төндіреді: ол қарсыласын бетпе-бет келсе де алдап өтіп, алға қарай жақсы қимылдап, айып алаңына дәл пас бере алады. Әріптестерінің орнын жабуды да ұмытпайды.

– Ал шабуылшылар ше?

– Шабуыл шебінің де өз орындаушылары бар. Мысалы, өткен маусымда Дайдзэн Маэда 30 гол соқты (барлық турнирлерде 33+12 – ред.), оның басты артықшылығы – бір орыннан жақсы қозғалады және төзімді футболшы. Жапониялық шабуылшыдан хаос күту керек деп ойлаймын.

– Соңғы матчтарда Брендан Роджерс қақпашыларды жиі ауыстырып жүр: кейде Синисало, кейде Шмейхель шығады. «Қайратқа» қарсы ойында қақпаны кім қорғайды?

– Әрине, Каспер негізгі құрамда шығуға басты үміткер. Чемпиондар лигасының соңғы маусымында ол соққыларды қайтару кезінде де, прессинг кезінде допты алға жылжыту кезінде де жақсы ойнады. Ал финляндиялық қақпашы Шмейхель мансабын аяқтағанша, тағы бір-екі жыл қосалқы құрамда отырады. Сондықтан ол тек кубок матчтарына шығып жүр.

– Қазір «Селтик» сапынан қандай олқылықтар мен әлсіздіктерді көріп тұрсыз?

– «Селтикке» қапталда креативті ойыншылар жетіспейді. «Слован» мен «Лейпцигпен» ойында жасындай жарқыраған былтырғы жұлдыз Николас Кюн «Комоға» кетті, «Селтик» әлі күнге дейін оның орнын басатын адамды таба қойған жоқ.

Иә, сол қапталда Маэда бар, бірақ ол керемет мүмкіндіктер тудыра алмайды. Сондықтан бұған номиналды қорғаушы Тирни жауапты. Ал қорғаушылар алға ұмтыла берсе, қарсылас шабуылшыларының бірін өткізіп алу немесе қарсы шабуылдан гол жіберіп алу қаупі бар. Роджерс артқы жартылай қорғаушы ретінде тек МакГрегорды пайдаланады. Ол, әрине, дарынды жартылай қорғаушы, және ол қорғанысқа қарағанда, көбірек ойын жасауға жауап береді. Демек, «Селтик» алға шығып, доптан айырылып қалса, «Қайраттың» мүмкіндігі болады.

– Командаға форвард жетіспейді деген пікір бар.

– Кего Фурухаси мен Кюнның орнын басатын ешкім болмай тұр. Оның үстіне, жанкүйерлер Адам Айданы негізгі құрамның тұрақты шабуылшысы ретінде көрмейді. 2024 жылы бұл жігіт 20 гол соқты, бірақ біразын қосалқы құрамнан шығып салды.

– Зария, Громыко және Матаның алғашқы матчта алматылық командаға көмектесе алмайтынын ескерсек, қандай болжам айтасыз?

– Егер сіз барлық артықшылықтар мен кемшіліктерді таразылайтын болсаңыз, «Селтик» – анық фаворит. Командадағылардың барлығы өздеріне сенімді және өз алаңындағы ойынды барынша тиімді пайдалануды жоспарлап отыр. Оларда Хатате мен Нюгрен секілді мықты шабуылдаушы жартылай қорғаушылар бар, сондықтан «Қайратқа» оңай болмайды. Олар ойынның қарқыны мен пен қысымның әсерінен сынып қалуы мүмкін.

Мен 3:0 есебіне бәс тігемін, «Селтик» қарымта ойында да жеңіске ұмтылады.