«Қайрат» пен «Ордабасыға» қатысы бар ажырасу: Айым Сейтметова және Талғат Итаевтің футболға байланысы

Актриса әрі блогер Айым Сейтметова мен кәсіпкер Талғат Итаевтың шулы ажырасуы соңғы күндері Қазнеттің басты тақырыбына айналды. Көпшілік мәселенің жеке басына қатысты жағын талқылауда.

ASnews.kz бұл оқиғада басқа жайтты байқады – бұл хикаяның қазақстандық футболмен күтпеген жерден тығыз байланысы бар болып шықты.

Не болды: оқиғаның қысқаша мән-жайы

Айым Сейтметова – белгілі актерлер Азат Сейтметов пен Данагүл Темірсұлтанованың қызы, актриса, блогер әрі кәсіпкер. Бірнеше күн бұрын ол Талғат Итаевпен некесін бұзу туралы шешімін көпшілікке ресми түрде жариялады.

Stories бөлімінде ол арыз беру процесінің өзін үлкен сынақ ретінде сипаттады: алдымен eGov жүйесі өтінімді үш рет қатар қабылдамай қойған, кейін жұп ХҚКО-ға (ЦОН) барған. «Ажырасу үшін де бір квесттен өту керек екен!» – деп жазды Айым. Оқырмандар ерлі-зайыптылардың Instagram-да бір-бірінен тіркеуді алып тастағанын да байқап үлгерді.

Айым себептерін ашық айтпаса да, мағыналы репост жасады: «Эмоционалдық сатқындық болған жерде, физикалық сатқындық – тек уақыт еншісіндегі мәселе» – деп, сенім мен опасыздық туралы өз ойын қосты.

Талғат Итаев 24 шілдеде қыздарымен түскен суретін жариялап жауап берді. «Мен ешқашан балаларымды қалдырмаймын. Олар мен үшін әрдайым ең қымбат жандар болып қала береді», – деп жазды ол. Сондай-ақ жағдайды көпшілік алдында талқылағысы келмейтінін айтып, «бүкіл шындықты білмей тұрып, адам туралы жаман сөйлемеуге» шақырды.

Аудиторияның реакциясы екіге бөлінді: бірі Айымды қолдаса, екіншілері бұл жаңа жобалар алдындағы пиар-жүріс деп есептейді.

Айым және «Қайрат»: ортақ дос арқылы

Айым Сейтметова футбол әлеміне бөгде адам емес. Ол қазақстандық футболдың ең танымал дауыстарының бірі – Archibaaalt лақап атымен белгілі Артур Асқарұлымен бұрыннан дос. Артур – «Қайраттың» дикторы (анонсері) және SD Family академиясының бас директоры. Кезінде олар бірге Yuframe жобасын жүзеге асырған еді.

Айымның өзі де Алматыдағы Орталық стадионда «Қайраттың» матчтарында бірнеше рет бой көрсеткен. Оның стадионнан түскен суреттері Қазнетте жеке вирустық толқын болып тарайтын.

Итаев және «Ордабасы»: екінші тарап, басқа клуб

Талғат Итаев болса, өз кезегінде жаңа «Ордабасының» басты тұлғаларының бірі – Бейбіт Әлібековпен жақын таныс. Әлібеков шымкенттік клубтың медиа және коммерциялық дамуына жауап береді әрі клубтың қосалқы иесі болып табылады: осы маусымда 20 мыңдық аншлаг жинап жүрген матч күнгі шоулардың артында дәл осы Әлібеков тұр. Итаев кезінде оған сұхбат та берген – қос азаматтың бір ортаның адамдары екені анық.

Сонда түйін не?

Қазнет тарихындағы ең көп талқыланған ажырасулардың бірінің қос басты кейіпкері Қазақстан Премьер-лигасының ең басты екі клубымен де байланысты болып шықты. Айымның тарабы – «Қайратпен», ал Итаевтың тарабы – «Ордабасымен».

Кездейсоқтық па, әлде жоқ па – бірақ ҚПЛ жарыс кестесінде дәл осы екі клуб көш басында келеді. «Ордабасы» «Қайраттан» бір ұпайға алда тұр. Әлеуметтік желілерде екі клуб жанкүйерлерінің арасындағы текетірес бұрыннан бар еді – енді оған тағы бір қызықты себеп қосылды.

«Челси» шектеуге байланысты 13 ойыншыдан арылады. Дастан Сәтпаевтың жағдайы не болмақ?